کورونا وائرس کی عالمی وبا نے ہماری روزمرہ کی زندگی میں کئی نئے الفاظ اور اصطلاحات متعارف کرائی ہیں، چاہے بات قرنطینہ، وائرس، مدافعت یا سماجی فاصلے کی ہو۔ لیکن آخر ان سب اصطلاحات کا مطلب کیا ہے؟
ان تمام اصطلاحات کے معنی جاننے کے لیے آپ ہمارا ’کورونا وائرس مترجم‘ ٹول استعمال کر سکتے ہیں۔
براہ مہربانی اپنا براؤزر اپ گریڈ کریں
کورونا وائرس کے لیے مترجم
ان تمام اصطلاحات کے معنی کیا ہیں؟
مرکزی کہانی پر جائیں-
اینٹی باڈیز ٹیسٹ
ایک ایسا طبی ٹیسٹ جو یہ بتا سکے کہ آیا ایک شخص کورونا وائرس سے متاثر ہوچکا ہے اور اب اس میں کچھ حد تک قوت مدافعت ہے۔ یہ ٹیسٹ خون میں اینٹی باڈیز کی شناخت کرتا ہے، جو جسم میں وائرس کا مقابلہ کرنے کے لیے پیدا ہوتی ہیں۔
-
اےسمپٹمیٹک
ایسا شخص جس میں بیماری کی تشخیص ہوئی ہو لیکن اس میں کوئی علامات ظاہر نہیں ہوئیں۔ بعض تحقیق کے مطابق کچھ لوگوں میں کورونا وائرس ہوتا ہے لیکن ان میں عام علامات ظاہر نہیں ہوتیں، جیسے مسلسل کھانسی یا تیز بخار۔
-
کورونا وائرس
ان میں سے ایک وائرس انسانوں اور جانوروں کے لیے شدید یا معتدل بیماری کا باعث بن سکتا ہے۔ کورونا وائرس جس نے اس وقت دنیا کو اپنی لپیٹ میں لیا ہوا ہے اس سے کووڈ 19 کی بیماری لاحق ہوتی ہے۔ عام نزلہ زکام اور فلو کورونا وائرس کی دوسری اقسام ہیں۔
-
کووڈ-19
سنہ 2019 کے اواخر میں کورونا وائرس سے پہلا متاثرہ شخص چین کے شہر ووہان میں تھا۔
-
مرض کے پھیلاؤ کی شرح میں کمی لانا
متاثرین کی تعداد کم رکھنے کے لیے وائرس کی منتقلی کی شرح کم رکھنی ہوتی ہے تاکہ ایک ہی وقت میں کورونا وائرس کے زیادہ متاثرین سے صحت کے نظام پر دباؤ نہ آئے۔
-
فلو
انفلوئنزا کا مخفف، ایک ایسا وائرس جو باقاعدگی سے انسانوں اور جانوروں میں موسمی وباؤں کے دوران بیماری پھیلاتا ہے
-
آبادی کے ایک بڑے حصے کا وبائی مرض سے بالواسطہ محفوظ ہوجانا
بیماری کا پھیلاؤ کم ہوجاتا ہے جب آبادی کی ایک بڑی تعداد اس سے متاثر ہوچکی ہوتی ہے۔
-
قوتِ مدافعت والا شخص
یہ ایسا شخص ہے جس کا جسم بیماری کا مقابلہ کر سکتا ہے یا اسے روک سکتا ہے اسے محفوظ کہا جاتا ہے۔ جب کورونا وائرس سے متاثرہ ایک مریض صحتیاب ہوچکا ہوتا ہے، مثال کے طور پر کووڈ 19 سے، تو یہ سمجھا جاتا ہے کہ اسے کچھ دورانیے کے لیے دوبارہ یہ بیماری نہیں ہوگی۔
-
متاثرین میں علامات ظاہر ہونے سے پہلے کا دورانیہ
مرض کے شکار ہونے اور علامات ظاہر ہونے کا درمیانی وقت
-
لاک ڈاؤن
ایسے اقدامات جو حکومت نے بحران سے نمٹنے کے لیے معمولات زندگی میں رکاوٹ کے زمرے میں کیے ہوں۔ ان میں سکولوں اور دفاتر کی بندش، لوگوں کی نقل و حرکت میں رکاوٹ اور ایمرجنسی سروسز کے لیے فوج کی تعیناتی شامل ہیں۔
-
وبا
ایک ہی بیماری کے کئی مریض تیزی سے سامنے آنا، ایک علاقے میں یا مختلف علاقوں میں۔
-
عالمی وبا
ایک سنگین مرض کی ایسی وبا جو تیزی سے بیک وقت کئی ممالک میں پھیل رہی ہو
-
قرنطینہ
مرض سے متاثر ہونے والے افراد کو تنہائی میں رکھنا تاکہ مرض کا پھیلاؤ روکا جا سکے
-
سارس
سارس یعنی سانس لینے میں دشواری کی بیماری، یہ ایک ایسا کورونا وائرس تھا جو 2003 کے دوران ایشیا میں پھیلا۔
-
خود ساختہ تنہائی
گھر میں رہنا اور دوسرے لوگوں سے رابطے سے پرہیز کرنا تاکہ مرض کا پھیلاؤ روکا جا سکے
-
سماجی فاصلہ
لوگوں سے دور رہنا اس مقصد کے ساتھ کہ وبا کی منتقلی کو کم کیا جا سکے۔ حکومت نے یہ تجویز دی ہے کہ اپنے دوستوں یا رشتہ داروں سے نہ ملیں، ان افراد کے علاوہ جو آپ کے ساتھ رہتے ہیں۔ گھر سے کام کریں جس حد تک ممکن ہو اور پبلک ٹرانسپورٹ کے استعمال سے اجتناب کریں۔
-
ایمرجنسی کی صورتحال
بحران سے نمٹنے کے لیے حکومت کے روز مرہ کی زندگی کو محدود کرنے کے اقدامات۔ اس میں سکولوں اور کام کی جگہوں کا بند کرنا، لوگوں کی نقل و حرکت پر پابندیاں عائد کرنا، اور یہاں تک کہ معمول کی ہنگامی خدمات کو سہارا دینے کے لیے فوج تک تعینات کرنا شامل ہوسکتا ہے
-
علامات
بیماری کی ایسی علامات جو درحقیقت جسم کا ردعمل ہوتا ہے جس میں یہ اپنے مدافعتی نظام کے ذریعے انفیکشن کا مقابلہ کر رہا ہوتا ہے۔ کورونا وائرس کی مرکزی علامات بخار، خشک کھانسی اور سانس پھولنا ہے۔
-
ویکسین
ایک ایسا علاج جس کے ذریعے جسم میں اینٹی باڈیز پیدا ہوتی ہیں جو مرض کا مقابلہ کرتی ہیں اور مزید بیماری کے خلاف مدافعت فراہم کرتی ہیں
-
وینٹیلیٹر
مرض کے باعث پھیپھڑوں کے ناکام ہوجانے پر تنفس فراہم کرنے والی مشین
-
وائرس
ایک خرد بینی ذرا جو ایک جاندار کے زندہ خلیوں میں خود کو نقل کرے۔ وائرس سے یہ خلیے مر سکتے ہیں اور اس سے جسم میں عام طور پر ہونے والے کیمیائی عمل رکاوٹ کا شکار ہوتے ہیں جس سے بیماری پیدا ہوتی ہے۔
مترجم
کچھ اہم اصطلاحات
کووڈ-19
سنہ 2019 کے اواخر میں کورونا وائرس نامی بیماری سے پہلا متاثرہ شخص چین کے شہر ووہان میں رونما ہوا۔ اس بیماری کو کووڈ-19 کا نام دیا گیا۔ یہ بیماری پھیپھڑوں کو نقصان پہنچاتی ہے۔
مرض کے پھیلاؤ کی شرح میں کمی لانا
ماہرین صحت گراف پر وقت کے ساتھ کورونا وائرس کے نئے مریضوں کی نشاندہی ایک لکیر کی مدد سے کرتے ہیں۔ متاثرین کی تعداد کم رکھنے کے لیے وائرس کی منتقلی کی شرح کم رکھنی ہوتی ہے تاکہ ایک ہی وقت میں کورونا وائرس کے زیادہ متاثرین سے صحت کے نظام پر دباؤ نہ آئے۔
لاک ڈاؤن
ایسے اقدامات جو حکومت نے بحران سے نمٹنے کے لیے معمولات زندگی میں رکاوٹ کے زمرے میں کیے ہوں۔ ان میں سکولوں اور دفاتر کی بندش، لوگوں کی نقل و حرکت میں رکاوٹ اور ایمرجنسی سروسز کے لیے فوج کی تعیناتی شامل ہیں۔
عالمی وبا
ایک سنگین مرض کی ایسی وبا جو تیزی سے بیک وقت کئی ممالک میں پھیل رہی ہو۔
خود ساختہ تنہائی (سیلف آئسولیشن)
مرض سے متاثر ہونے والے افراد کو تنہائی میں رکھنا تاکہ مرض کا پھیلاؤ روکا جا سکے۔
کورونا وائرس کی علامات کیا ہیں اور اس سے کیسے بچیں؟
کورونا وائرس کا ٹیسٹ کیسے ہوتا ہے اور کیوں ضروری ہے؟
مدافعتی نظام بہتر بنا کر کیا آپ کووِڈ 19 سے بچ سکتے ہیں؟
کیا کورونا کے شدید علیل مریضوں کا علاج صحت یاب مریضوں کے خون سے ممکن ہے؟
کورونا وائرس کی ویکسین کب تک بن جائے گی؟
کورونا وائرس: ان چھ جعلی طبی مشوروں سے بچ کر رہیں
سماجی فاصلہ
لوگوں سے دور رہنا، اس مقصد کے ساتھ کہ وبا کی منتقلی کو کم کیا جا سکے۔ حکومت نے یہ تجویز دی ہے کہ اپنے دوستوں یا رشتہ داروں سے نہ ملیں، ان افراد کے علاوہ جو آپ کے ساتھ رہتے ہیں۔ گھر سے کام کریں جس حد تک ممکن ہو اور پبلک ٹرانسپورٹ کے استعمال سے اجتناب کریں۔
وائرس
ایک خرد بینی ذرا جو ایک جاندار کے زندہ خلیوں میں خود کو نقل کرے۔ وائرس سے یہ خلیے مر سکتے ہیں اور اس سے جسم کے عام طور پر ہونے والے کیمائی عمل رکاوٹ کا شکار ہوتے ہیں جس سے بیماری پیدا ہوتی ہے۔